Ümumdünya Səhiyyə təşkilatının Uhan şəhərində koronavirusla bağlı aparılan araşdırmaların nəticələrinə dair hazırladığı hesabat mətbuata sızıb.
Metbuat.az xəbər verir ki, 13 elm adamı tərəfindən hazırlanan hesabatda koronavirusun yayılması barədə 4 səbəb irəli sürülür. Elm adamları hesab edir ki, virus böyük ehtimalla başqa heyvandan yarasalara yoluxub. Heyət üzvləri bunu virusun yayılmasında ən real ehtimal hesab edirlər. Beləliklə, virusun laboratoriyada hazırlandığı iddiaları aradan qalxıb.
Qeyd edək ki, hesabat rəsmi yayımlanmadığından dəyişiklik ola bilər.
Anar Türkeş / Metbuat.az
