2020-ci ildə Azərbaycanın dövlət borcunun (xarici və daxili) ümumi məbləği 16938,8 mln. manat olub.
Metbuat.az xəbər verir ki, bu barədə “Azərbaycan Respublikasının 2020-ci il dövlət büdcəsinin icrası haqqında” qanun layihəsində qeyd olunub.
Layihəyə əsasən, 2020-ci ildəki dövlət borcu ÜDM-ə nisbətdə 23,4%-ə bərabər olub, adambaşına düşən borc isə manat ifadəsi ilə 1674,0 manat təşkil edib.
Ümumi dövlət borcu məbləğinin 14996,5 mln manatı (88,5%-i) xarici dövlət borcuna, 1942,3 mln manat isə (11,5%) daxili dövlət borcuna aid olub.
