“Avro-2020”nin qrup mərhələsində A qrupunun oyunları başa çatıb.
Metbuat.az xəbər verir ki, İtaliya doğma meydanda Uelslə qarşılaşıb.
Roberto Mançininin komandası 1:0 hesablı qələbə qazanıb. Yeganə qolu 39 dəqiqə Matteo Pessina vurub.
Qrupun digər matçında Türkiyə millisi Bakıda İsveçrə ilə qarşılaşıb. Ən yaxşı qrup üçüncüsü kimi 1/8 finala çıxmaq istəyən kollektiv son şansından da yararlana bilməyib. 1:3 hesabı ilə uduzan "ay-ulduzlular" turniri xalsız tərk edib.
Bu gün keçirilən iki qarşılaşma ilə A qrupundan İtaliya və Uels millisi növbəti mərhələyə yüksəlib. İsveçrə isə ən yaxşı qrup üçüncülərinin müəyyən olunması üçün qruplardakı oyunların başa çatmasını gözləyir.
