Bildiyimiz kimi, hazırda ölkədə qəbul olunmuş strategiyaya əsasən, 18 yaş üzəri vətəndaşlara vaksin vurulması tövsiyə edilir. Bəs uşaqlar peyvənd olunmalıdırmı sualı isə maraq doğurur.
Metbuat.az xəbər verir ki, TƏBİB-in infeksion xəstəliklər üzrə işçi qrupunun həkim-infeksionisti Nəzrin Mustafayeva “COVID-19” mövzusunda çıxışnda qeyd edib ki, bu məsələdə müzakirə aparılır: “Müsbət qərar olarsa, bu barədə ictimaiyyətə açıqlama veriləcək”.
Nəzrin Mustafayeva uşaqlarda koronavirusun yüngül əlamətlərlə özünü biruzə verdiyini bildirib.
"Onlarda simptomlar özünü az biruzə verir: Bəzi hallarda qızdırma, ürək bulanma müşahidə edilir, eyni zamanda kəskin virus infeksiyaları kimi özünü göstərir. Böyük əksəriyyəti sağalma ilə nəticələnir”,- deyə o, qeyd edib.