Yunanıstanın AEK klubunda çıxış edən serbiyalı basketbolçu Stevan Yelovats dünyasını dəyişib.
Metbuat.az xəbər verir ki, o,insult keçirdikdən sonra vəfat edib.
Belə ki, Yelovats noyabrın 14-də məşq zamanı huşunu itirib. O, fərdi proqramda məşqlər edib və topuqdakı zədə ucbatından iki həftə oynamayıb.
Xəstəxanaya çatdırılaraq reanimasiyaya yerləşdirilən basketbolçu bir neçə gün əvvəl ailəsinin xahişi ilə Serbiyaya aparılmışdı.