Gürcüstanın eks prezidentinə Ukrayna vətəndaşlığı verilib.
ANS PRESS-in məlumatına görə, bu barədə Ali Radanın deputatları bildirirlər.
“Mixail Saakaşvili rəsmən Ukrayna vətəndaşı oldu", – deyə “Blok Petra Poroşenko” (Блок Петра Порошенко) Partiyasından olan deputat Mustafa Nayem “Facebook” səhifəsində yazıb.
Eyni partiyadan olan başqa bir deputat – Serqey Leşenko isə tvitter mikrobloqunda bu haqda yazıb: “Gürcüstan keçmiş prezidenti Saakaşvili cümə günü Ukrayna vətəndaşlığı almağa müvəffəq olub. Mixo, biz yeni Batumi istəyirik."
Daha əvvəl isə Poroşenkonun onu Odessa vilayətinin qubernatoru təyin etdiyi bildirilirdi.
