x
Loading...

Ağdamda ərzaq mağazasında istehlaka yararsız məhsullar aşkarlanıb

Azərbaycan Qida Təhlükəsizliyi Agentliyinin (AQTA) əməkdaşları Ağdam rayonu, Quzanlı qəsəbəsində fəaliyyət göstərən fiziki şəxs Baxşəliyev Zabil Cavanşir oğluna məxsus ərzaq məhsullarının satışı mağazasında yoxlama keçirib.

AQTA-dan Metbuat.az-a verilən məlumata görə, yoxlama zamanı mağazada qida təhlükəsizliyi sahəsində texniki normativ hüquqi aktların, sanitar norma və qaydaların tələblərinin pozulduğu aşkar edilib.

Belə ki, mağazada istifadə müddəti bitmiş istehlak üçün yararsız ət, süd və qənnadı məhsullarının satışının həyata keçirildiyi, temperatur rejiminə əməl edilmədiyi, həmçinin dezinfeksiya, dezinseksiya və deratizasiya işlərinin aparılmadığı, işçilərin dövri olaraq tibbi müayinədən keçmədiyi məlum olub. İstehlak üçün yararsız məhsullar satış şəbəkəsindən çıxarılaraq aşkar olunmuş faktla bağlı qanunvericiliyə uyğun müvafiq tədbirlər görülüb, müəssisə rəhbəri inzibati məsuliyyətə cəlb olunub.

AQTA əhalinin sağlamlığının qorunması və təhlükəsiz qida məhsulları ilə təmin edilməsi istiqamətində ardıcıl tədbirlərini bundan sonra da davam etdirəcək və istehlakçı hüquqlarının pozulmasına yönəlmiş qanunsuz halların qarşısı qətiyyətlə alınacaq.


Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Loading...

RƏYLƏR

BU KATEQORİYADAN DİGƏR XƏBƏRLƏR