Bakı, 30 may, AZƏRTAC
Avropa klassik musiqisinin ən nüfuzlu nümayəndələrindən olan Volfqanq Amadey Motsart və Lüdviq van Bethovenə aid bəzi əşyalar Amerikanın "Sotheby's" hərrac evində satışa çıxarılıb.
AZƏRTAC xarici KİV-lərə istinadla xəbər verir ki, hərraca çıxarılan əşyalar arasında içində Motsartın saçının olduğu iddia edilən medalyon 15 min dollara satışa çıxarılacaq.
Hərracda Bethovenin saçı və dəfninə dəvətnamə 3 min avro dəyərində qiymətləndirilir.
2002-ci ildə “Sotheby” hərrac evində Motsartın saçı təqribən 38 min avroya satılıb.