Futbol üzrə Azərbaycan Kubokunda 1/8 final mərhələsinin daha bir oyunu keçirilib.
Metbuat.az xəbər verir ki, “Keşlə” doğma azarkeşləri önündə “Qaradağ Lökbatan”ı sınağa çəkib.
Premyer Liqa təmsilçisi 2:1 hesabı ilə qalib gələrək adını 1/4 finala yazdırıb.
“Keşlə”nin qollarına 32-ci dəqiqədə Samir Abdullayev və 58-ci dəqiqədə Rəhman Hacıyev imza atıb. Qonaqlardan isə 7-ci dəqiqədə Elnur Səmədov fərqlənib.
Qeyd edək ki, 1/8 finalın son matçı “Sabah” və “Kəpəz” komandaları arasında baş tutacaq.
Xatırladaq ki, bundan öncə “Səbail”lə “Qəbələ” adını 1/4 finala yazdırıb.
