[ 30 May 2015 10:22 ]
Bakı – APA. Xəzəryanı ölkələr nərəkimilərin kommersiya ovuna qoyulmuş qadağanın müddətinin uzadılmasına dair anlaşma əldə ediblər.
APA-nın “RİA Novosti”yə istinadən verdiyi məlumata görə, müvafiq qərar mayın 29-da Sankt-Peterburqda Xəzər dənizinin su bioresursları Komissiyasının 35-ci iclası çərçivəsində qəbul edilib.
Toplantıda İran, Rusiya, Azərbaycan, Qazaxıstan və Türkmənistan nümayəndələri iştirak ediblər. Qərara əsasən, qadağanın uzadılması 2016-cı ilin sonunadək qüvvədə olacaq. Nərəkimilərin ovu yalnız elmi-araşdırma və süni yetişdirmə məqsədi ilə həyata keçiriləcək.
