Azərbaycanda paracüdo üzrə dünya çempionatı keçiriləcək.
Milli Paralimpiya Komitəsindən Metbuat.az-a verilən məlumata görə, mundial gələn il noyabrın 7-9-da Bakıda təşkil olunacaq.
Dünya çempionatında 40-dan çox ölkənin aparıcı idmançılarının iştirakı gözlənilir və bu yarış Paris-2024 XVII Yay Paralimpiya Oyunlarına lisenziya xalı verəcək.
Qeyd edək ki, dünya çempionatından öncə beynəlxalq həkimlərin iştirakı ilə idmançılar üçün tibbi təsnifat keçiriləcək.
