Koronavirus pandemiyası zamanı işdən çıxarılan şəxslərə və müəssisələrə kömək etmək üçün yaradılmış dəstək fonlarından azı 100 milyard dollar oğurlanıb.
Metbuat.az Anadolu agentliyinə istinadən xəbər verir ki, bu barədə ABŞ-ın Gizli təşkilatı məlumat yayıb. Məlumata görə, soyğun Əmək Nazirliyindən və Kiçik Biznes İdarəsindən alınan məlumatların araşdırılması zamanı üzə çıxıb. Bildirilir ki, 3,4 trilyon dollarlıq dəstək proqramının təqribən 3 faizində qanunsuzluğa yol verilib.
Ehtimal edilir ki, işsizlərə ödənilməsi nəzərdə tutulan 100 milyard dollar lazımi istiqamət üzrə ünvana çatmayıb.