“Google” mobil reklam gəlirinin 75 faizini “Apple”dan qazanır

“Google” mobil reklam gəlirinin 75 faizini “Apple”dan qazanır
10:11 30 May 2015
Ölkə mətbuatı
A- A+

"Goldman Sachs" investisiya bankının məlumatına əsasən, "Android" əməliyyat sistemi ilə işləyən smartfon və planşetlərin dünya bazarında ("IDC" analitik şirkətinin 2015-ci ilin birinci rübünə olan məlumatına görə, bu qurğuların bazar payı 78 faiz təşkil edir) liderliyinə baxmayaraq, "iPhone" və "iPad" daha çox pul qazandırır.


"ICTnews" elektron xəbər xidməti "vedomosti.ru" saytına istinadən bildirir ki, investisiya bankında işləyən analitiklərin məlumatına görə, 2014-cü ildə "Google" şirkəti mobil reklam gəlirinin 75 faizini "Apple" korporasiyasının "iOS" qurğularının köməyi ilə əldə edib.

Ötən il internet nəhəngi reklamdan 59 milyard dollar qazanıb ki, bu məbləğin də təxminən 20 faizi və ya 11,8 milyard dolları mobil reklamın payına düşüb.

"Gartner" tədqiqat şirkətinin məlumatına görə, ötən il dünyada "Google"un əməliyyat sistemi ilə işləyən 1 milyarddan çox qurğu satılıb. "Apple" qurğuları beş dəfə daha az, "Windows" platformalı qurğular isə üç dəfə daha az satılıb.

Müstəqil analitik Çetan Şarmın məlumatına görə, qurğuların satış həcminin artmasına baxmayaraq, ötən il "Android" platformasının gəlirliliyi 44 faiz azalıb.

Emil Hüseynov


Xəbərin orijinal ünvanı: http://ictnews.az/read-37061-news-1.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
loading...

RƏYLƏR

BU KATEQORİYADAN DİGƏR XƏBƏRLƏR