Şəmkir, 30 may, AZƏRTAC
Bu il Şəmkirin daha 10 kəndinə “mavi yanacaq” verilməsi nəzərdə tutulub.
Rayon qaz-istismar idarəsinin baş mühəndisi Fikrət Mehdiyevin AZƏRTAC-a verdiyi məlumata görə, hazırda 3 kənddə qaz xətlərinin quraşdırılması sürətlə davam etdirilir. Yaxın vaxtlarda Miskinli, Çaylı, Günəşli, Yuxarı Çaykənd, Qaraqocalı, Mehrili və Qaralar kəndlərində quraşdırma işlərinə başlanılacaq. Kəndlərə qaz xətti çəkilərkən abonentlər smartkart tipli sayğaclarla da təmin olunurlar.