Küçədə yeriyərkən gözlərini mobil telefonuna zilləyərək gedən və qarşısını görməyən adamlar nadir hal deyil. Tam əksinə, belələrinin sayı bilinmir.
Amma mobil telefonunun köləsi olan insanlar arasında "rekord" vuranlar da var.
Milli.Az AsiaOne-a istinadən bildirir ki, Çinin cənubundakı Hunan vilayətində, Çanşa şəhərində küçələrdən biri ilə hərəkət edən motosikletçini maşın vurub.
Avtomobilin zərbəsindən aşan motosiklin yanına sərələnmiş şəxs əlindəki telefona baxırdı.
Bunu görənlər heyrətləniblər.
Yaralı adam telefondan əl çəkməyib, yerə sərələnsə də, telefonla mesajlaşmağa davam edirdi.
Milli.Az