Bakı – APA. Bakı-Şamaxı avtomobil yolunun 16-cı kilometrliyində "Mercedes" və "Niva" markalı minik avtomobilləri toqquşub.
APA-nın Fövqəladə Hallar Nazirliyinin (FHN) saytına istinadən verdiyi məlumata görə, hadisə yerinə FHN-in müvafiq xilasetmə qüvvələri cəlb olunub.
Hadisə yerində əməliyyat şəraiti qiymətləndirilərkən məlum olub ki, "Niva"nın sürücüsü aldığı ağır bədən xəsarətlərindən hadisə yerində ölüb.
Xilasedicilər deformasiyaya uğramış avtomobildən sıxılmış vəziyyətdə qalmış meyiti çıxarıb və aidiyyəti üzrə təhvil veriblər.