"2021-ci il ərzində sənaye zonalarında 2,4 mlrd. manat dəyərində məhsul istehsal edilib".
Metbuat.az xəbər verir ki, bunu iqtisadiyyat naziri Mikayıl Cabbarov deyib. Onun sözlərinə görə, bu rəqəm əvvəlki illə müqayisədə 88,3% çoxdur.
"Sənaye zonaları iqtisadiyyatın diversifikasiyasında, xüsusilə qeyrineft sənayesinin inkişafında mühüm rol oynayır. Ötən il sənaye zonalarının qeyri-neft sənaye istehsalında payı 15,5%-ə yüksəlib, qeyri-neft sənaye istehsalının artımındakı payı isə 30% təşkil edib".
