2021-ci il ərzində Azexport.az portalına 496,1 mln. ABŞ dolları dəyərində ixrac sifarişləri daxil olub.
İqtisadi İslahatların Təhlili və Kommunikasiya Mərkəzindən Metbuat.az-a verilən məlumata görə, bu 2020-ci ilin müvafiq göstəricisi ilə müqayisədə 18,9% azalıb.
2021-ci ilin dekabr ayında isə portala daxil olan ixrac sifarişlərinin dəyəri 60,8 mln. dollar təşkil edib ki, bu da bu ilin noyabr ayı ilə müqayisədə 66,1% çoxdur.
2017-ci ilin yanvar ayından 2021-ci ilin 31 dekabr tarixinə kimi (60 ay ərzində) Azexport.az portalına dünyanın 145 ölkəsindən daxil olan ixrac sifarişlərinin dəyəri 2,7 mlrd. dollar təşkil edib.
