Futbol üzrə Azərbaycan Premyer Liqasında qış fasiləsi başa çatıb.
Metbuat.az xəbər verir ki, XV turun ilk oyununda "Keşlə" "Zirə"ni qəbul edib.
"ASK Arena"da keçirilmiş qarşılaşma qonaqların 1:0 hesablı qələbəsi ilə yekunlaşıb. "Qartallar"ın qolunu 45-ci dəqiqədə Məhəmməd Hamdaui vurub. Bu qoldan 5 dəqiqə əvvəl meydan sahiblərinin kapitanı İlkin Qırtımov ikinci sarı vərəqəni alaraq meydandan qovulub.
Qələbə sayəsində xalını 25-ə çatdıran "Zirə" üçüncü pilləyə yüksəlib. "Keşlə" isə 14 xalla hələlik 6-cı sıradadır.
Qeyd edək ki, günün digər matçında son çempion "Neftçi" "Qarabağ"ı qəbul edəcək. Tura fevralın 8-də oynanılacaq "Sabah" - "Qəbələ" və "Səbail"- "Sumqayıt" qarşılaşmaları ilə yekun vurulacaq.