Ötən gün saat 19 radələrində, Bakı-Aeroport yolunda ölümlə nəticələnən yol qəzası baş verib.
Bakı şəhər Baş Polis İdarəsindən ANS PRESS-ə verilən məlumata görə, Sabunçu qəsəbə ərazisində Bakı şəhər sakinləri, 1970-ci il təvəllüdlü Faiq Əliyev idarə etdiyi VAZ-21074 markalı avtomobillə 1969-cu il təvəllüdlü İntiqam Məmmədovu vurub.
Qəza nəticəsində ağır xəsarət alan yaralı xəstəxanaya yerləşdirilib. Lakin həkimlər onun həyatını xilas edə bilməyiblər.
Faktla bağlı Sabunçu rayon Polis İdarəsi 12-ci polis bölməsində araşdırma aparılır.