Robotlarla mübarizəyə 10 milyon dollar ayrılıb

Robotlarla mübarizəyə 10 milyon dollar ayrılıb
11:09 19 Yanvar 2015
Ölkə mətbuatı
A- A+

 “SpaceX” kosmik korporasiyasının və "Tesla Motors” elektromobil istehsalı şirkətinin təsisçisi Elon Mask Gələcək Həyat İnstitutuna 10 milyon dollar məbləğində yardım edib. Lent.az-ın Rabitə və Yüksək Texnologiyalar Nazirliyinə istinadən məlumatına görə, vəsaitlərin robot və süni intellekti bəşəriyyət üçün təhlükəsiz etməyə imkan verəcək tədqiqatlara sərf olunması nəzərdə tutulur.

Süni intellekti bəşəriyyətin xeyrinə işləməyə məcbur edəcək ideyaya malik texnoloji sənaye sahəsinin istənilən alim və ya mütəxəssislər qrupu E. Maska qrant almaq üçün müraciət edə bilər.

Var-dövlətinin dəyəri 9,6 milyard dollar qiymətləndirilən məşhur iş adamı bildirib ki, robotların təhlükəsizliyinin təmininə daha çox vəsaitin xərclənməsi tələb olunur. Alimlər tərəfindən bəşəriyyətin qarşılaşdığı qlobal riskləri azaltmaq məqsədilə yaradılan Gələcək Həyat İnstitutu qeyri-kommersiya təşkilatıdır.

 

RƏYLƏR

BU KATEQORİYADAN DİGƏR XƏBƏRLƏR