Bu gün Rusiya və Ukrayna arasında davam edən müharibənin 100-cü günüdür.
Metbuat.az xəbər verir ki, Ukrayna Prezidenti Volodimir Zelenski bununla bağlı Kiyevdən ukraynalılara videomüraciət edib.
“Bizim komandamız daha böyükdür. Ukrayna Silahlı Qüvvələri buradadır. Ən əsası xalqımız buradadır. Artıq 100-cü gündür Ukraynanı müdafiə edirik. Qələbə bizimlədir. Yaşasın Ukrayna!”, - deyə Zelenski videoda söyləyib.
Xatırladaq ki, Rusiya fevralın 24-ü Ukraynaya qarşı genişmiqyaslı hərbi əməliyyata başlayıb.
