Azərbaycan Avtomobil Yolları Dövlət Agentliyi Bakının Qaradağ rayonunun Lökbatan qəsəbəsində uzunluğu 1 000 metr olan Massiv 6, 1A küçəsi və 2 800 metr olan Massiv 6, Yeni məhəllənin yollarında təmir işləri aparır.
Metbuat.az xəbər verir ki, bu barədə Agentlik məlumat yayıb.
Məlumata görə, yenidənqurma işləri çərçivəsində küçələrdə yararsız qrunt qazılaraq çıxarılıb, əks-dolğu işləri icra olunaraq yeni yol yatağının və küçənin profilə salınması işləri görülüb, yol əsası işlənilib. Hazırda hər iki ərazidə yeni asfalt-beton örtüyünün döşənməsi işləri aparılır.
Xatırladaq ki, 2021-ci ildə Qaradağ rayonunda ümumi uzunluğu 6,5 kilometr olan küçə və yollarda təmir işləri aparılıb. Cari ildə təmiri nəzərdə tutulan küçələrin uzunluğu isə 19,6 kilometr təşkil edir.
