Bakıda itkin düşən yeniyetmə oğlan tapılıb.
9-cu Polis Bölməsindən Lent.az-a verilən məlumata görə, itkin düşən 14 yaşlı Həsənov Vəzir Azər oğlunun yeri valideynlərinin səyi nəticəsində aşkarlanıb.
Bölmədən bildirilib ki, valideynləri yeniyetmənin tapılması ilə bağlı hüquq-mühafizə orqanlarını məlumatlandırıblar.
Xatırladaq ki, Səbail rayonu, Neftçilər prospekti 71 ünvanında yaşayan 1965-ci il təvəllüdlü Vəzirov Azər Vəkilhüseyn oğlu bildirib ki, oğlu naməlum şəraitdə yoxa çıxıb. 9-cu Polis Bölməsinə müraciət edən paytaxt sakini qeyd edib ki, oğlu, 2001-ci il təvəllüdlü Həsənov Vəzir Azər oğlu Sabunçu rayonu Pirşağı qəsəbəsində yerləşən 10 saylı internat məktəbində yaşamaqla təhsil alır. 14 yaşlı oğlan yanvarın 5-də atasının evini internata getmək üçün tərk edib. Lakin o, məktəbə gedib çıxmayıb.
