Yaxın 5 ildə Azərbaycanda “Abşeron vadisi” innovasiya klasteri yaradılacaq.
Metbuat.az xəbər verir ki, bu, Prezident İlham Əliyevin bu gün təsdiqlədiyi "2022-2026-cı illərdə sosial-iqtisadi inkişaf Strategiyası"nda öz əksini tapıb.
Strategiyaya əsasən, ölkədə innovasiya gündəliyi formalaşdırılacaq və dövlət tərəfindən təşviq ediləcəkdir: "İqtisadiyyatın prioritet sahələrində innovasiyalar tətbiq ediləcəkdir. Nəticədə, “Abşeron vadisi” çərçivəsində fəaliyyət göstərən fiziki və hüquqi şəxslərin sayı ilbəil artacaq”.
"Abşeron vadisi"ndə fəaliyyət göstərəcək 100 startapdan 5 milyon ABŞ dolları, 150 startapdan 7 milyon ABŞ dolları, 300 startapdan isə 13 milyon ABŞ dolları maliyyələşmənin cəlb edilməsi planlaşdırırılır.
