“Azərişıq” ASC Neftçala rayonunun Qaraqaşlı, Beştalı, Cəngan v' Ərəbqardaşbəyli kəndlərinin elektrik şəbəkəsini yenidən qurur.
Metbuat.az bu barədə səhmdar cəmiyyətinə istinadən xəbər verir.
Məlumata görə, ötən əsrin 60-ci illərindən istismarda olan 4 kəndin elektrik şəbəkəsi tamamilə yenidən, müasir formada qurulacaq, kəndlər keyfiyyətli, dayanıqlı və fasiləsiz elektrik enerjisi ilə təchiz olunacaq.
Bu kəndlərdən başqa, rayonun Mayak-1, Qırmızı Şəfəq və Yenikənd kəndlərində də tezliklə işlərə start veriləcək.
Xatırladaq ki, investisiya layihəsi regionlarda 100-dən çox kəndi əhatə edir.
