Dünya bazarında neft ucuzlaşıb, qaz isə bahalaşıb.
Metbuat.az birjalara istinadən xəbər verir ki, ICE London qitələrarası birjasında keçirilən ticarət əməliyyatlarının gedişində Brent neftinin ixracına dair 2022-ci ilin oktyabr müqaviləsinin dəyəri 0,24% azalaraq 1 barelə görə 96,42 dollar təşkil edib.
Nyu-Yorkun NYMEX əmtəə birjasında bu ilin sentyabrında ixrac etməklə WTI markalı neftin 1 barelinin qiyməti 0,22% azalaraq 90,56 dollar təşkil edib.
Qazın qiymətinə gəlincə, Nyu-Yorkun NYMEX əmtəə birjasında təbii qaza olan fyuçers kotirovkalarının qiyməti artıb.
Sentyabrda çatdırmaq şərti ilə təbii qaza olan fyuçerslərin qiyməti 1 mln. BTU-ya (British thermal unit – Britaniya istilik vahidi) görə 0,25% artaraq 7,671 ABŞ dolları təşkil edib.