Bakı. Mübariz Aslanov - APA. Azərbaycanda elm sahəsində çalışanlar arasında qocalıq pik həddə çatıb.
APA-nın məlumatına görə, bu barədə Milli Məclisin Elm və təhsil komitəsinin sədri Şəmsəddin Hacıyev bu gün “Elm haqqında” qanun layihəsinin müzakirəsi zamanı bildirib.
O qeyd edib ki, hazırda elmlər doktoru dərəcəsi daşıyanlar arasında 50 yaşdan yuxarı olanlar 50 yaşdan aşağı olanlardan 6 dəfə çoxdur: “Bu, artıq vəziyyətin gərgin olmasından xəbər verir”. Ş.Hacıyev deyib ki, yeni qanunda bu problemin həll olunması, gənclərə yeni imkanların yaradılması və s. məsələlər geniş əks olunub.