Oktyabrın 1-də şagird sayı 500-dən çox olan ümumi təhsil müəssisələrinə direktorların işə qəbulu üzrə müsabiqənin esse mərhələsi keçiriləcək.
Metbuat.az Elm və Təhsil Nazirliyinə istinadən xəbər verir ki, esse mərhələsi Bakı və Sumqayıt şəhərlərində keçiriləcək.
Bu barədə məlumat tezliklə namizədlərin şəxsi səhifələrinə göndəriləcək. Esse mərhələsində 1022 namizədin iştirakı nəzərdə tutulur.
Namizədlər linki vasitəsilə namizədin qiymətləndirmə meyarları ilə tanış ola bilərlər.
Bu mərhələdə mümkün 10 balın yarısını toplamış namizədlər müsahibə mərhələsində iştirak hüququ qazanacaqlar.
