“Kremldə Prezident Vladimir Putinlə köməkçiləri arasında gərginlik var”.
Metbuat.az xəbər verir ki, “Washington Post” qəzeti kəşfiyyat mənbələrinə istinadən belə iddia ortaya atıb. Bildirilir ki, Ukraynadakı uğursuzluğa görə, Putin Kremldəki köməkçiləri ilə mübahisə edib. Tərəflər Ukrayna məsələsi ilə bağlı fikir ayrılığı yaşayır. İddialara görə, Putinlə ona yaxın olan şəxs arasında mübahisə olub və həmin şəxs Putinə yürütdüyü siyasətə görə etiraz edib. Kremldə Putinə qarşı çıxan qüvvələr ölkə rəhbərinin müharibəni idarə etmək siyasətindən narazıdır. Kəşfiyyatın hesabatında Putinə qarşı çıxan şəxslərin adı qeyd edilsə də, qəzet onların adlarını əldə edə bilməyib.
