Azərbaycan Avtomobil Yolları Dövlət Agentliyi tərəfindən bu il Bakı şəhəri, Yasamal rayonunda ümumi uzunluğu 6.05 km olan 5 küçədə təmir işləri icra olunub.
Metbuat.az-a Agentlikdən verilən məlumata görə, bu çərçivədə II Alatavanın 2 km uzunluğa malik daxili yolları, Tbilisi prospektinin Əbdülvahab Salamzadə küçəsindən Abbasqulu ağa Bakıxanov küçəsinədək olan 1630 metrlik hissəsi, 860 metr uzunluğunda olan Ələsgər Ələkbərov, uzunluğu 1000 metr təşkil edən Zivərbəy Əhmədbəyov və 560 metr uzunluğa malik Seyfəddin Dağlı küçələri əsaslı təmir edilib.
Adıçəkilən ərazilərdə yeni və müasir yol infratsrukturu yaradılaraq vətəndaşların istifadəsinə verilib.
Xatırladaq ki, 2021-ci ildə Yasamal rayonunda ümumi uzunluğu 3.5 km olan küçələrdə təmir işləri aparılıb.
