Türkiyənin "Fənərbaxça" klubunun baş məşqçisi Jorji Jezuş zədəli futbolçuya qarşı hərəkəti ilə kəskin tənqid edilib.
Metbuat.az Aspor-a istinadən xəbər verir ki, "Fənərbaxça"- "İstanbulspor" matçında portuqaliyalı çalışdırıcı rəqibin zədəli futbolçusu İbrahim Yılmazı təpikləyib.
İbrahim Yılmaz baş verənlərdən sonra açıqlama verib. O bildirib ki, Jezuş sadəcə zarafat edib:
"Zarafat üçün edilən bir hərəkətdir. Sonradan başımı sığalladı. Böyüdüləcək bir durum yoxdur", - deyə futbolçu qeyd edib.
Qeyd edək ki, bu görüntülər qısa zamanda sosial şəbəkələrdə yayılıb. İzləyicilər Jorji Jezuşun bu hərəkətini kəskin tənqid ediblər.
