Azərbaycanın 44 günlük müharibədə əldə etdiyi zəfər dünyanın ən haqlı qələbələrindən biridir. Azərbaycanın bu zəfəri ilə əzəli torpaqları işğaldan azad edilib, bölgədə sülh, sabitlik və inkişaf yaranıb.
Metbuat.az AZƏRTAC-a istinadən xəbər verir ki, bu sözləri Türkiyənin Gürcüstandakı səfiri Ali Kaan Orbay Bolnisinin Saraclı kəndində Vətən müharibəsi şəhidi Elvin Əlimərdanovun adına bulağın açılış mərasimində söyləyib.
Onun sözlərinə görə, işğaldan azad olunan torpaqların bərpası və dirçəldilməsi işində də Türkiyə Azərbaycanın yanında olmaqda davam edəcək.
Türkiyə haqlı mücadiləsində hər zaman Azərbaycanın yanında olub və bundan sonra da olacaq.
Türkiyəli diplomat Azərbaycan dövlətini və xalqını Zəfər Günü münasibətilə təbrik edib, Zəfərin daimi olmasını arzulayıb.
