Cəbrayıl rayonunun Şükürbəyli kəndində Dövlət Sərhəd Xidmətinin (DSX) hərbi qulluqçuları qəzaya düşüb, sərhədçi ölüb.
Metbuat.az xəbər verir ki, bu barədə DSX-nin Mətbuat Xidmətindən bildirilib. Məlumata görə, "Shacman" markalı yük avtomobili hərəkətdə olarkən Xidmətə məxsus "UAZ" markalı avtomobilin hərəkət zolağına çıxıb.
Nəticədə qəza baş verib və bir neçə hərbçi xəsarət alıb, baş çavuş Elmir Abbasov isə xəstəxanada vəfat edib.
Hazırda yaralıların müayinə və müalicəsi davam etdirilir.
Faktla bağlı araşdırma aparılır.
