Bu gün Şuşa-Xankəndi yolunda davam edən ekoaksiyanın 19-ci günüdür.
Metbuat.az xəbər verir ki, politoloq İlyas Hüseynov geridə qalan 19 günü təhlil edib. Politoloq deyir ki, "Dəmirli" (Kaşen) mis-molibden yatağının yırtıcı istismarının dayandırılması və hazır məhsul şəklində daşınmasının qabağı alındıqdan sonra kükürd dioksid, ağır metallar və digər zərərli maddələr havaya, torpağa və suya atılmayıb.
İlyas Hüseynov
"Artıq 19-cu gündür ki, qeyri-qanuni iqtisadi fəaliyyət həyata keçirilmir. Beləliklə Ermənistanın keçmiş prezidenti Serjik Sarqsyanın keçmiş ortağı və sponsoru olan Vallex qrupun zənginləşməsi baş vermir. Bununla yanaşı, "Müharibə partiyası"ı gəlirlərdən məhrum olur. Çirkli pulların yuyulması üzrə ekspert Ruben Vardanyan Qarabağa humanitar xarakterli yüklərin tranzitinə mane olur. O, sadə insanların iztirablarına qətiyyən əhəmiyyət vermir, regionda sülhə olan kövrək ümidi pozmaq üçün əlindən gələni edir. Gələcəkdə siyasi sıçrayış və tramplin kim hazırki vəziyyəti istifadə edir. Özünü cəsur "döyüşçü" kimi göstərməyə çalışır. Həmçinin dünya erməniliyini materiallarla təmin etmək missiyasını yerinə yetirir".
İlyas Hüseynov xatırlatdı ki, beynəlxalq ictimaiyyət Ruben Vardanyanın vəhşiliklərinə səssiz qalır və onun fransız sponsorları bölgəyə mifik "beynəlxalq sülhməramlıların" daxil edilməsi tələblərini əsaslandırmaq üçün "blokada" və "humanitar fəlakət" povestini alovlandırırlar.
"Eko-aktivistlərin 19 gündür ki, davam edən aksiyaları bizi Qarabağın beynəlxalq sponsorların dəstəyi ilə klan-mafiya rejiminə çevirdiyi “boz yurisdiksiya zonası”ndan çıxmağa başlayacağı günə yaxınlaşdırır".
Qeyd edək ki, Sosial Tədqiqatlar Mərkəzinin davam edən aksiyalar və gözləntilərlə bağlı ictimai rəy sorğusuna əsasən "Xankəndi-Laçın yolundakı aksiyaları izləyirsinizmi?" sualına cavab olaraq, sorğuda iştirak edənlərin ümumilikdə 88.1%-i aksiyaları izlədiyini bildirib. Respondentlərin 54.1%-i "tez-tez izləyirəm", 34.0%-i "bəzən izləyirəm" cavabını verib. 11.9%-i "heç izləmirəm" cavabını qeyd edib. Eyni zamanda "Sizcə, bu aksiyalar Azərbaycanın təbii sərvətlərinə qarşı aparılan terrora son qoyacaqmı?" sualına münasibətdə respondentlərin 78.6%-i "bəli" cavabını verib. Sorğuda iştirak edənlərin 14.2%-i "xeyr" cavabını qeyd edib, 7.2%-i bu barədə fikir bildirməkdə çətinlik çəkib.
Gülbəniz Hüseynli / Metbuat.az
