NATO-nun baş katibi Yens Stoltenberq NATO ölkələrinin zəlzələlərə görə Türkiyəyə dəstək verdiyini ifadə edərək, hərbi alyansın Türkiyə ilə güclü həmrəylik içində olduğunu bildirib.
Metbuat.az xəbər verir ki, o bildirib ki, NATO-ya üzv ölkələr axtarış-xilasetmə işçiləri, yanğınsöndürənlər, səhiyyə işçiləri və zəlzələ ekspertləri olmaqla çoxlu yardım işçisini Türkiyəyə göndərib. NATO ölkələrinin Türkiyəyə müxtəlif sığınacaq dəstəyi verəcəklərini ifadə edən Stoltenberq, dəstəyin davam etdiriləcəyini ifadə edib.
