Fransadakı Eyfel qülləsi bu gün ziyarətçilər üçün bağlanıb.
Metbuat.az xəbər verir ki, bu barədə məlumat Eyfel qülləsinin rəsmi internet səhifəsində yerləşdirilib.
“Ümummilli tətilə görə Eyfel qülləsi hazırda bağlıdır”, - məlumatda deyilir.
Qeyd edək ki, Fransada davam edən etiraz aksiyaları səbəbindən Luvr muzeyi dünəndən etibarən fəaliyyətini dayandırıb.
Xatırladaq ki, Fransa hökuməti ötən həftə, parlamentdə səsvermə keçirilmədən, ölkədə pensiya yaşını 62-dən 64-ə qaldırmaq barədə qanun layihəsini qəbul etmək üçün müraciət etdikdən sonra insanlar küçələrə axışıb.
