“Mahir Şükürov 2 yox, 5 aydır ki, bizdən maaşını ala bilmir. Ona görə də “Karşıyaka”dan şikayət etdi. Mən onun qərarına haqq qazandırıram”.
Milli.Az xəbər verir ki, bu sözləri qafqazinfo-ya açıqlamasında Türkiyənin “Karşıyaka” klubunun baş məşqçisi Yusif Şimşək deyib.
O, mətbuatda Mahir Şükürovun qardaş ölkə klubundan şikayət etməsi ilə bağlı yayılan xəbərlərə münasibət bildirib: “Mahir bizi FİFA-ya deyil, Türkiyə Futbol Federasiyasına şikayət edib. Amma böyük problem yoxdur. Bu gün bütün pulları ödəyəcəyik. Hər şey qaydasına düşəcək. Bu hərəkətinə görə ona nəsə deməyə haqqımız yoxdur. Çünki 5 ay maaş almamaq, təbii ki, çətindir”.
Türkiyəli məşqçi millimizin üzvünü komandada saxlayacaqlarını bildirib: “Onu heç yerə buraxmaq niyyətində deyilik. Çünki bizə lazımdır. Sadəcə pulunu istədi və biz də o məbləği ödəyəcəyik. Ondan sonra Mahir komandadan ayrılmayacaq. Ən azı, mövsümün sonuna qədər bizimlədir. Bu futbolçuya ehtiyacımız var”.
Milli.Az
Türkiyəli məşqçi millimizin üzvünü komandada saxlayacaqlarını bildirib: “Onu heç yerə buraxmaq niyyətində deyilik. Çünki bizə lazımdır. Sadəcə pulunu istədi və biz də o məbləği ödəyəcəyik. Ondan sonra Mahir komandadan ayrılmayacaq. Ən azı, mövsümün sonuna qədər bizimlədir. Bu futbolçuya ehtiyacımız var”.
Milli.Az
