Bakı, 19 yanvar, AzərTAc
Türkiyədə təlim-məşq toplanışında olan Bakının “İnter” futbol komandası növbəti yoxlama oyununa çıxıb.
AzərTAc xəbər verir ki, Bakı təmsilçisi dördüncü görüşündə yerli “Kasımpaşa” komandası ilə qarşılaşıb.
Görüş “İnter”in 3:1 hesablı qələbəsi ilə yekunlaşıb. “İnter”in heyətində Junior Nildo, Məhəmməd Mirzəbəyov və Mikel Alvaro fərqləniblər.
Qeyd edək ki, hazırlıq prosesi çərçivəsində “İnter” yerli “İnəgölspor” (4:1), Almaniyanın “Enerji” (1:1) və Qazaxıstanın “Kayrat” (3:1) komandaları ilə oyunda qüvvəsini sınayıb.