Bakı, 19 yanvar, AzərTAc
Azərbaycan Respublikası müdafiə nazirinin birinci müavini - Silahlı Qüvvələrin Baş Qərargah rəisi, general-polkovnik Nəcməddin Sadıqov NATO-nun Hərbi Komitəsinin sədri general Knut Bartelsin dəvəti ilə Alyansın yanvarın 21-də keçiriləcək toplantısında iştirak etmək üçün Brüsselə yola düşüb.
Müdafiə Nazirliyinin mətbuat xidmətindən AzərTAc-a bildiriblər ki, NATO-nun “Qətiyyətli Dəstək” Missiyasına töhfə verən ölkələrin qərargah rəisləri səviyyəsində keçiriləcək görüşdə Əfqanıstandakı siyasi vəziyyət, əməliyyat şəraitindəki dəyişikliklərin Əfqanıstan Milli Təhlükəsizlik Qüvvələrinə təsiri və s. mövzular ətrafında müzakirələr aparılacaq.