“Ermənilər xislətlərindən əl çəkə bilmir və bu xislətin önündə erməni din xadimləri durur”. Bu barədə siyasi icmalçı, politoloq Nadir Şəfiyev Gürcüstandakı 450 dini abidənin ermənilərə məxsus olması barədə iddiaları şərh edərkən deyib.
Milli.Az Türkel TV-yə (Region TV) istinadən xəbər verir ki, N.Şəfiyevin sözlərinə görə, ermənilərin qonşu xalqlara qarşı həyata keçirdiyi maddi və mənəvi təcavüz yüz illər öncə ermənilərin Qafqaza ayaq açmasından sonra başlayıb.
“Ermənilərin köçəri xalq olması dəfələrlə öz təsdiqini tapıb. Nəyə görəsə, özlərini aralarında “hay” adlandıranlar kənarda özlərini erməni kimi tanıdırlar”, - deyən siyasi icmalçı qeyd edib ki, heç bir tarixi ənələri, mədəniyyəti olmayan bir xalq dünyada qüvvəyə çevrilə bilməzdi: “Bunu dərk edən haylar qonşularının mədəni irsini oğurlamaqla məşğuldurlar”.
Politoloq qeyd edib ki, dünyada bu günə qədər nə “Hayastan” adlı dövlət, nə də həmin hayların başqa adlı dövləti olub. Ermənilərin soykökündə və hətta elan etdikləri dövlətin adında belə türk adlarının olduğu alimlər tərəfindən dəfələrlə sübuta yetirilib.
Milli.Az
