Bakı, 20 yanvar, AzərTAc
Yanvarın 20-də Bakı vaxtı ilə saat 12.00-da Azərbaycanın Respublikasının bütün ərazisində 20 Yanvar şəhidlərinin əziz xatirəsi bir dəqiqəlik sükutla yad olunub, gəmilərdən, avtomobillərdən və qatarlardan səs siqnalları verilib.
Qanlı Yanvar faciəsinin ildönümü ilə əlaqədar hazırlanmış geniş tədbirlər planına uyğun olaraq, respublikanın bütün şəhərlərində, rayon mərkəzlərində, qəsəbə və kəndlərində, idarə və müəssisələrində anma mərasimləri keçirilib, hüzn əlaməti olaraq dövlət bayraqları endirilib.
Azərbaycan paytaxtı ictimaiyyətinin nümayəndələri yanvarın 20-də Şəhidlər xiyabanını ziyarət edərək, qəhrəman Vətən övladlarının xatirəsini ehtiramla anıb, məzarları üzərinə şəhidlik rəmzinə çevrilmiş al qərənfillər düzüblər.
Allah bütün şəhidlərimizə rəhmət etsin!
