Azərbaycan, Bakı, 25 dekabr /Trend, müxbir Hüseyn Vəliyev/
Dövlət Radiotezliklər İdarəsində (DRİ) 437 radiotezlik istifadəçisi (müəssisə, idarə, təşkilat və fiziki şəxslər) qeydiyyatdadır.
İdarədən Trend-ə verilən məlumata görə, onlardan 68 istifadəçi dövlət, 304 istifadəçi kommersiya, 32 istifadəçi xarici təşkilat və 33 istifadəçi isə fiziki şəxslərdir.
2014-cü ilin müvafiq dövrü ərzində 7061 ədəd radioelektron vasitə (REV) DRİ-də qeydiyyata alınıb. DRİ-də qeydiyyatda olan REV-in ümumi sayı 47 630 ədəd təşkil edir.
Məqalə müəllifi ilə əlaqə ünvanı: agency@trend.az
