[ 20 Yanvar 2015 13:40 ]
Bakı. Fuad Cəfərov -APA. Azərbaycanda iki nəfərdən külli miqdarda narkotik vasitə götürülüb.
APA-nın Daxili İşlər Nazirliyinin saytına istinadən verdiyi məlumata görə, Səbail Rayon Polis İdarəsinin əməkdaşlarının həyata keçirdikləri əməliyyat-axtarış tədbirləri nəticəsində Sumqayıt şəhər sakini Əlif Əliyevdən 9 kiloqram 500 qram marixuana götürülüb.
Bakı Şəhər Baş Polis İdarəsinin Narkotiklərlə Mübarizə İdarəsi əməkdaşları tərəfindən yanvarın 18-də narkotik vasitə ilə tutulan Türkiyə vətəndaşı Adil Yavuz Ziya oğlu Ferinin Sumqayıt şəhərində yaşadığı mənzilə baxış zamanı 1 kiloqram 19 qram marixuana və elektron tərəzi aşkarlanıb.
