Rusiya və İran arasında hərbi sahədə əməkdaşlığa dair müqavilə imzalanıb

14:22 20 Yanvar 2015
93 Dünya
Ölkə mətbuatı
A- A+

[ 20 Yanvar 2015 14:16 ]

Bakı. Məlahət Nəcəfova - APA. Rusiya və İran hərbi sahədə əməkdaşlıqla bağlı müqavilə imzalayıb.

APA-nın RİA “Novosti” agentliyinə istinadən verdiyi məlumata görə, rəsmi hökumətlərarası akt Rusiyanın müdafiə naziri, ordu generalı Sergey Şoyqu və İranın Müdafiə və Silahlı Qüvvələrə dəstək naziri, briqada generalı Hüseyn Dehqan arasında Tehranda imzalanıb.

 

“Hərbi sahədə qarşılıqlı fəaliyyətin nəzəri əsası qoyuldu. Biz Rusiya və İran limanlarına hərbi gəmilərin daxil olması praktikasını genişləndirmək barədə qərara gəlmişik”, - deyə Sergey Şoyqu sənədlə bağlı bildirib.

Danışıqlar zamanı tərəflər, həmçinin, iki ölkənin hərbi idarələrinin qarşılıqlı praktiki fəaliyyətin gücləndirilməsi, nümayəndə heyətlərinin səfərləri, bu sahədə danışıqların aparılması, müşahidəçi qismində təlimlərdə iştirak, hərbi kadrların hazırlanması, sülhməramlı sahədə təcrübə mübadiləsi və terrorla mübarizə sahələrində əməkdaşlıq barədə razılığa gəliblər. 

 


Xəbərin orijinal ünvanı: http://az.apa.az/news/369698

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR