Şamaxı, 20 yanvar, AzərTAc
Ümumxalq Hüzn Günü Şamaxıda kütləvi tədbirlərlə qeyd olunub.
AzərTAc xəbər verir ki, yanvarın 20-də şəhərdəki Şəhidlər xiyabanında ümumrayon anma mərasimi keçirilib.
Rayon rəhbərləri, idarə, müəssisə və təşkilatların işçiləri, ictimaiyyətin çoxsaylı nümayəndələri səhər saatlarında şəhidlərin xatirə kompleksindəki abidənin önünə əklil və çiçəklər qoyub, faciə qurbanlarının xatirəsini ehtiramla yad ediblər.
Şəhidlər xiyabanını ziyarətdən sonra rayon rəhbərləri və ictimaiyyət nümayəndələrinin bir qrupu şəhid ailələrinə baş çəkiblər.
