Xaçmazda intihar cəhdinin qarşısı alınıb.
Milli.Az
Trend Fövqəladə Hallar Nazirliyinin saytına istinadən məlumat verir ki, Xaçmaz şəhərində bir nəfər sərxoş vəziyyətdə qülləyə qalxaraq intihar etmək niyyətini nümayiş etdirib. Dərhal hadisə yerinə nazirliyin müvafiq xilasetmə qüvvələri cəlb olunub.
Şimal Regional Mərkəzinin xilasediciləri tərəfindən aparılmış psixoloji söhbət nəticəsində vətəndaş fikrindən daşındırılaraq aşağı endirilib və aidiyyəti üzrə təhvil verilib. Əməliyyat saat 15:16-da başa çatıb.
Milli.Az
