Tanınmış azərbaycanlı rejissor vəfat etdi

Tanınmış azərbaycanlı rejissor vəfat etdi
00:51 21 Yanvar 2015
Ölkə mətbuatı
A- A+

Azərbaycan Respublikası Kinematoqrafçılar İttifaqının üzvü, Azərbaycanın tanınmış kinorejissoru, aktyoru və ssenaristi Hafiz Fətullayev dünən 70 yaşında vəfat edib.

Axşam.az xəbər verir ki, bu barədə Trend-ə Kinematoqrafçılar İttifaqından məlumat verilib.

Qeyd edək ki, H.Fətullayev 24 fevral 1944-cü ildə Bakıda anadan olub. M.A.Əliyev adına Azərbaycan Dövlət İncəsənət İnstitutunun rejissorluq fakültəsini bitirdikdən (1970) sonra Azərbaycan Dövlət Dram Teatrında işləyib.

1977-1990-cı illərdə Azərbaycan Dövlət Televiziyasında çalışıb. 1991-ci ildən “Rimur” müstəqil kinokompaniyasının rəhbəri idi.

H.Fətullayev “Qırmızı qatar” və “Müqəddəs odda yanaram” (G.Əzimzadə ilə birgə) filmlərinin quruluşçu rejissorudur.

 

RƏYLƏR

BU KATEQORİYADAN DİGƏR XƏBƏRLƏR