Bakı – APA. “Əs-Şahab” terrorçu qruplaşması Afrika İttifaqının Somalidə yerləşən əsas hərbi bazasına hücum edib.
APA-nın BBC-yə istinadən verdiyi xəbərə görə, artıq qruplaşma hücuma görə məsuliyyəti öz üzərinə götürüb.
Terrorçu qruplaşmanın sözçüsü Şeyx Əbdüləziz Əbu Musab silahlıların “Halane” hərbi bazasına daxil olduğunu və orada döyüşlərin davam etdiyini bildirib.
Ərazidə güclü partlayış səsləri eşidilir.
Qeyd edək ki, İtaliya və İngiltərənin səfirlikləri, habelə BMT-nin Somalidəki qərargahı sözügedən bazanın ərazisində yerləşir.