Türkiyə xarici işlər nazirinin Yəmənə səfəri təxirə salındı

Türkiyə xarici işlər nazirinin Yəmənə səfəri təxirə salındı
11:03 21 Yanvar 2015
104 Dünya
Ölkə mətbuatı
A- A+

Azərbaycan, Bakı, 21 yanvar /Trend, müxbir Rufiz Hafizoğlu//

Türkiyə XİN rəhbəri Mövlud Çavuşoğlunun Yəmənə səfəri təxirə salınıb. Bu barədə Trend çərşənbə günü Anadolu agentliyinə istinadən xəbər verir.

Səfərin təxirə salınmasına səbəb Yəməndə vəziyyətin qeyri-stabil olmasıdır.

Türkiyə XİN rəhbərinin Yəmənə səfəri çərşənbə gününə planlaşdırılmışdı.

Dünən Yəməndə şiə üsyançıları - husitlər ölkə prezidentinin sarayına hücum ediblər. Bunu ölkənin informasiya naziri Nadiyə əs-Sakkaf bəyan edib.

Nazir "Twitter"-dəki mikrobloqunda yazıb: "Prezident Əbd Rəbba Mənsur Hadi rejimi devirməyə cəhd edən silahlı qrupun hücumuna məruz qalıb”.

Bu arada ölkə paytaxtında Prezident sarayının qarşısında husitlərin ordu ilə toqquşmasına son qoyulub.

“Əl-Ərəbiyyə” peyk telekanalının məlumatına görə, toqquşmalarda Prezident qvardiyasının iki hərbçisi həlak olub.

Az sonra “Ənsar-Alla” hərəkatının Siyasi Şurasının üzvü Həmzə-əl Husi RİA Novosti-yə bildirib ki, üsyançılar ölkə Prezidenti Əbd Rəbba Mənsur Hadini devirməyə cəhd göstərməyiblər, Prezident qvardiyasının hissələri ilə toqquşmalara səbəb hərbi qulluqçuların özlərinin təxribatları olub.

Məqalə müəllifi ilə əlaqə ünvanı: agency@trend.az

RƏYLƏR

BU KATEQORİYADAN DİGƏR XƏBƏRLƏR